Sultan Vəhdəddinin ingilis generalı Harinqtona məktubu - Sığınacaq tələbi

Osmanlı dövləti Birinci Dünya Müharibəsində məğlubiyyətinin ardınca imzalanan Mudros və Sevr müqavilələrindən sonra düşmən qüvvələr tərəfindən işğal olunur.

Mustafa Kamal Paşanın rəhbərliyi ilə düşməni ölkədən məğlub edib, qovan türk milləti böyük biz zəfər qazanır. Ankarada qurulan yeni məclis isə səltənətin ləğv edilməsini və Osmanlı xanədanının Türk torpaqlarından çıxarılmasını istəyir.

Vəziyyəti belə görən sultan Vəhdəddin ingilis generalı Harinqtona İngiltərəyə getməsi üçün məktub yazaraq, ondan yardım istəyir.

Admiral.az sultanın həmin məktubunu təqdim edir:

"İşğalçı orduların İstanbuldakı baş komandanı general Harinqton cənablarına. İstanbulda həyatımı təhlükədə gördüyümdən İngiltərə dövlətindən sığınacaq istəyərək bir an əvvəl İstanbuldan göndərilməyimi tələb edirəm əfəndim".

Osmanlı xanədanının son padşahı olan Vəhdəddin bir daha geri qayıtmamaq üçün ingilis gəmisi ilə vətənini tərk edir. Özü ilə xanədanlığa aid heç nə götürməyən sultan mücəffər qutusunu belə təhvil verərək yaxınları ilə birlikdə səfərə çıxır. Doqquz il səkkiz ay on iki gün hakimiyyətdə olan İttihad və Tərəqqi Partiyası mənsubları Osmanlı dövlətini dərin bir quyuya atdıqdan sonra xaricə qaçmağa başlayırlar. Ələ keçən ittihadçılar isə 1919-cu ilin mayın 27-də ingilislər tərəfindən Maltaya sürgün edilirlər. Qaçan itithadçılar arasında Tələt, Ənvər, Camal, Topak İsmayıl Hakkı paşalar və Doktor Nazim, Bahəddin Şəkər də var idi.