Tarixdə BU GÜN

1998-ci il. İyirmi altı illik fasilədən sonra Bakıda Azərbaycan qadınlarının növbəti Qurultayı işə başlayıb. Bu, müstəqilliyin bərpasından sonra Azərbaycan qadınlarının ilk belə forumu idi.

1954-cü il. SSRİ-nin Orenburq vilayətindəki Totskoe poliqonunda bütün qoşun növləri üzrə 45 min hərbçinin qatıldığı hərbi təlimdə 40 kilotonluq atom bombası sınaqdan keçirilib.

1960-cı il. Beş ölkə - İran, İraq, Küveyt, Səudiyyə Ərəbistanı və Venesuela Bağdadda Neft İxrac Edən Ölkələr Təşkilatının (OPEC) təsis edilməsinə dair müqavilə imzalayıb. Hazırda 14 üzvü olan OPEC-in baş ofisi Vyanada yerləşir. Ötən il açıqlanan statistikaya görə, dünyada xam neft ehtiyatının 81 faizi – 1 trilyon 213,4 milyard bareli OPEC ölkələrinin payına düşür.

1984-cü il. ABŞ Hərbi Hava Qüvvələrinin zabiti Co Kittinger dünyada ilk dəfə olaraq təkbaşına hava şarı ilə Atlantik okeanı üzərindən keçib.

2000–ci il. "Microsoft" şirkəti "Windows Milennium Edition" adlı əməliyyat sistemini istifadəyə verib. Əməliyyat sistemi yeni – ikinci minilliyin şərəfinə belə adlandırılıb.