Tələb etdiyi fidyəni cərimə kimi ödədi: Şagirdi qaçıran şəxsə hökm oxundu

Rusiya Federasiyasının Kaluqa vilayətində məhkəmə 2023-cü ildə Kozelskdən olan səkkiz yaşlı məktəbli qızı qaçıranlardan birini səkkiz il müddətinə ciddi rejimli koloniyaya məhkum edib.

Publika.az "Lenta.ru"ya istinadən xəbər verir ki, bu barədə məhkəmənin mətbuat xidmətindən məlumat verilib.

Həmin şəxs Rusiya Federasiyası Cinayət Məcəlləsinin 126-cı ("Oğurluq") və 163-cü ("hədə-qorxu ilə tələb etmə") maddələri ilə təqsirli bilinib. O, cinayət ortaqları barədə də ifadələr verib. Məhkumdan 1000000 rubl (bir milyon) məbləğdə pul alınaraq qaçırılan qızın və anasının xeyrinə ödənilib.

Xatırladaq ki, 30 noyabr 2023-cü ildə Kozelskdə ikinci sinif şagirdi məktəbdən evə qayıdarkən qaçırılıb. O, məktəb avtobusundan düşüb sinif yoldaşları ilə gedib. Sonra onlardan ayrılıb və evlərinə doğru hərəkət edib. Axşama doğru valideynlər qızın evə gec gəlməsindən şübhələnib və axtarışa başlayıblar. Bu zaman anaya bir milyon yarım rubl məbləğində fidyə tələb edən mesaj gəlib.

Polisə şikayət olunduqdan sonra qız tez bir zamanda tapılıb.

Cinayətin iştirakçısına hökm oxunub.

Adəm Abbaslı