Digər

Kanadanın Baş naziri müsəlmanları təbrik etdi

24 Aprel 2020 08:44

Kanadanın Baş naziri Castin Trüdo Ramazan bayramı münasibətilə müsəlmanları təbrik edib.

Publika.az-ın məlumatına görə, təbrikinə "Əs-Səlamu əleykum" sözləri ilə başlayan hökumət başçısı, bu ilki Ramazan bayramının COVID-19 pandemiyası səbəbilə fərqli keçəcəyini ifadə edib:

“Ramazan bayramı birlik ayıdır. Ailələr və dostlar bir araya gələrək, gün boyunca oruc tutarlar və günlərini iftarla başa çatdırarlar. Pandemiya ilə mübarizə apardığımıza görə bu il Ramazan fərqli keçəcək. Evdə qalıb mütəxəssislərin tövsiyyələrinə əməl edərək cəmiyyətimizi qorumaq üçün çalışacağıq. Ramazan ayında İslamın qəlbindəki mərhəmət, cəsarət və minnətdarlıq kimi dəyərlər daha da ön plana çıxar. Sədəqə və mənəvi təfəkkür zamanı olan Ramazan, bizə başqalarının ehtiyaclarının daha ön planda olduğunu xatırladar. Ailəmiz adından hamıya dinc Ramazan diləyirəm”.

Anar Türkeş