Digər

Kolumbiya prezidenti Venesuelaya hücuma görə BMT-yə təcili çağırış etdi

3 Yanvar 2026 12:02

Venesuelada vəziyyət gərgin olaraq qalır.

Publika.az TASS-a istinadən xəbər verir ki, Kolumbiya prezidenti Qustavo Petro Venesueladakı hadisələrlə əlaqədar BMT və Amerika Dövlətləri Təşkilatının təcili iclasının çağırılmasını istəyib.

Petronun sözlərinə görə, Karakas raket hücumlarına məruz qalıb.

Xatırladaq ki, bu gün səhər saatlarında Venesuelanın paytaxtında bir neçə güclü partlayış qeydə alınıb. Karakasın cənubu işıqsız qalıb. Şahidlər partlayışların hərbi bazalarda qeydə alındığını və atışma səslərinin eşidildiyini bildiriblər. Bəzi mənbələr təyyarə və raket uçuşları da olduğunu bildirib.

Qeyd edək ki, son zamanlar ABŞ ilə Venesuela arasında münasibətlər xeyli gərginləşib. Ağ Ev Nikolas Maduro hökumətinə təzyiq göstərmək üçün Mərkəzi Kəşfiyyat İdarəsinə ölkədə gizli əməliyyatlar aparmaq səlahiyyəti verib.

Tural