Dünya
Fermerlərin etirazı: 1500 traktor şəhərə doğru irəliləyir - FOTO
Fransanın paytaxtı Paris şəhərində fermerlərin etiraz aksiyası başlayır. Aksiyada iştirak etmək üçün şəhərə 1500-dən artıq traktor gətirilir. Onlar artıq Parisin dairəvi yoluna və iri küçələrə çıxaraq tıxaclar əmələ gətirib. Kənd təsərrüfati işçiləri öz nəqliyyat vasitələri ilə mitinqlərinin keçiriləcəyi meydana qədər irəliləməyi planlaşdırırlar.
Paytaxta aparan 6 avtomobil trasında hərəkət tam iflic olub. Təkcə cənubdakı avtomobil yolundakı tıxaclarda 500-ə qədər traktor dayanıb. Qərb magistrallarında da kənd təsərrüfatı texnikasından ibarət uzun tıxaclar yaranıb. Onlar Fransanın əsas kənd təsərrüfatı mərkəzləri olan Normandiya və Bretanidən gələn maşınlardır.
Fermerlər paytaxta, həmçinin icarəyə götürülmüş avtobuslarla da gəlirlər. Yaranmış vəziyyəti nəzərə alan Paris prefekturası meqapolisin və ətraf rayonların sakinlərinə mümkün olduğu qədər ictimai nəqliyyatdan – elektrik qatarları və metrolardan istifadə etməyi məsləhət görür.
Fransalı fermerlər hökumətin kənd təsərrüfatı sahəsində yaranan böhrana effektiv müdaxilə etməməsindən narazıdırlar. Bəzi regionlarda təsərrüfatların 20 faizi iflas astanasındadır. Aksiya iştirakçıları vergiləri və sosial köçürmələri nəzərəçarpacaq dərəcədə azaltmağı, alış qiymətlərini artırmağı, məhsulların maya dəyərinin yüksəlməsinə gətirib çıxaran bəzi ekoloji normaların ləğvini tələb edirlər.
Cümə axşamı Matinyon sarayında Fransanın Baş naziri Manuel Valsın kənd təsərrüfatı həmkarlar ittifaqlarının rəhbərləri ilə görüşü gözlənilir. Görüşün nəticəsinə görə fermerlər mitinqlərin davam etdirilməsi və ya dayandırılması barədə qərar qəbul edəcəklər.
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu