• USD 1,7000 0,00% EUR 1,8725 -0,17%
    • GBP 2,1844 -0,09% RUB 0,0265 -0,38%

Banqladeşdə Yaponiya vətəndaşı qətlə yetirilib

  • Dünya
  • 4 Oktyabr 2015 10:11
  • 592 Baxış
Banqladeşdə Yaponiya vətəndaşı qətlə yetirilib

Banqladeş polisi ölkənin şimal bölgəsində bir Yaponiya vətəndaşının güllə ilə vurularaq öldürüldüyünü bildirib.

Publika.az xəbər verir ki, bu, bir həftə ərzində Cənubi Asiya ölkəsində öldürülən ikinci əcnəbi vətəndaşdır.

Polis rəsmisinin sözlərinə görə, mərhum ucqar Kauniya şəhərində 3 motosikletçi tərəfindən yaxın məsafədən açılan atəş nəticəsində qətlə yetirilib. Rəsmilər deyir ki, Yaponiya vətəndaşı paytaxt Dəkkədən 300 kilometr aralıda olan Ranqpur rayonunda fermerlik layihəsi üzərində işləyirdi.

Xatırladaq ki, bir həftədən az bir müddət əvvəl isə ölkə paytaxtında bir italiyalı yardım işçisi qətlə yetirilmişdi. Bu hücuma görə məsuliyyəti İŞİD terror qrupu öz üzərinə götürsə də, rəsmilər iddianı rədd edərək olayı kiçik insident adlandırmışdı.

Əhalisinin əksəriyyətini müsəlmanlar təşkil edən Banqladeş həmişə dünyəvi dövlət olması ilə qürurlanıb. Ancaq artıq ölkədə islamçı yaraqlı qrupların fəaliyyəti artmağa başlayıb və son 2.5 ildə 10-dan çox dünyəvi düşüncələrə malik blogger və fəal qətlə yetirilib.

Xəbər lenti

DAHA ÇOX XƏBƏR