Qırğızıstan prezidenti Almazbek Atambayev müdafiə naziri Abibilla Kudayberdiyevi vəzifəsindən uzaqlaşdırıb.
Publika.az “RİA-Novosti” agentliyinə istinadən xəbər verir ki, bu barədə ölkə prezidentinin saytında deyilir.
Abibilla Kudayberdiyev korrupsiya ilə bağlı cinayət işinin əsas fiqurantı hesab edilir. Qırğızıstan Milli Təhlükəsizlik üzrə Dövlət Komitəsinin korrupsiyaya qarşı xidməti sui-istifadədə və bədxərclikdə şübhəli bilinən Abibilla Kudayberdiyevə qarşı cinayət işi qaldırıb.
Onun səlahiyyətlərini müdafiə nazirinin birinci müavini Zamira Suerkulova icra edəcək.
Sözügedən cinayət işində adı hallanan bir sıra şəxslər daha öncədən tutduqları vəzifələrindən uzaqlaşdırılıblar.
