Dünya

Paris terroru bu ölkədə planlaşdırılıb

15 Noyabr 2015 05:28

Yunanıstanın Daxili İşlər Nazirliyi Parisdə qanlı terror hücumunda iştirak edən terrorçulardan biri ilə əlaqədar açıqlama verib.

Publika.az xarici mediaya istinadən xəbər verir ki, nazirlik Suriya vətəndaşı olan bir terrorçunun bu ilin oktyabrında Yunanıstandan keçərək Avropaya gəldiyini bildirib.

Onun Suriya pasportu daşıdığı bildirilir.

Digər bir məlumata görə, Parisdə terror aktları törədənlərdən üç nəfəri Belçikanın paytaxtı Brüsseldə yaşayıb. Parisdəki “Stad de Frans” stadionu yaxınlığında partlayış törədən terrorçulardan birinin üzərində Misir pasportu aşkarlanıb.

Bir neçə saat bundan əvvəl yayılan məlumata görə, terrorçulardan biri Fransa vətəndaşıdır.

Qeyd edək ki, Parisdə terror hücumlarını törədən terrorçulardan 8-i ölüb. Onlardan 7-nin üzərindəki bombaların partlaması nəticəsində ölən kamikadzelər olduğu bildirilir.

Ömər Dağlı