• USD 1,7000 0,00% EUR 1,9423 -0,28%
    • GBP 2,2312 -0,03% RUB 0,0257 0,00%

Rusiya “T-50 PAK FA”ların seriya istehsalına başlayır - VİDEO

  • Dünya
  • 23 Yanvar 2016 23:40
  • 2 086 Baxış
Rusiya “T-50 PAK FA”ların seriya istehsalına başlayır - VİDEO

“Sukhoi” reaktivlərinin yeni nəsil versiyası olan “T-50 PAK FA”ların seriya istehsalı 2017-ci ildə başlayacaq.

Publika.az “RİA-Novosti” agentliyinə istinadən xəbər verir ki, bu barədə Rusiyanın Hava-kosmik güclərinin baş komandanı general-polkovnik Viktor Bondaryev bildirib.

O, əminliyini ifadə etdi ki, beşinci nəsil qırıcısının dövlət sınaqları 2016-cı ildə başa çatacaq.

Rusiyanın hərbi dairələri iddia edirlər ki, “Suxoy” şirkətinin hazırladığı “T-50” qırıcısı amerikalıların beşinci nəsil “F-22 Raptor” döyüş təyyarəsi və “F-35” qırıcılarına ciddi rəqib ola bilər. “T-50 PAK FA”lar bəzi parametrlərə görə, hər iki Amerika təyyarəsini üstələyir. Döyüş təyyarəsinin maliyyə dəyəri az olsa da, super manevr qabiliyyətinə malikdir. “T-50” qırıcısının əsas üstünlüyü radarlara yaxalanmamasıdır.

Rusiya Müdafiə Nazirliyi ötən il mayın 9-da Moskvada Qırmızı meydanda keçirilən paradda ən yeni beşinci nəsil qırıcılarını çıxarmağa qərar vermişdi. Son anda “T-50” qırıcıları tam hazır olmadığından onların yerinə Rusiya Hərbi Hava Qüvvələrinin ən yeni təyyarəsi “Su-35” iştirak etmişdi.

“T-50” birinci uçuşu 2010-cu il yanvarın 29-da Komsomolsk Amurda olub.

“RİA-Novosti”nin verdiyi məlumata görə, Rusiyanın çoxməqsədli qırıcısı ilə artıq Bəhreyn maraqlanır. Qırıcının ixracat versiyasının seriya istehsalına 2020-ci ildə başlanması nəzərdə tutulub.

Ömər Dağlı

Загрузка...

Xəbər lenti

DAHA ÇOX XƏBƏR