Dünya
Ankara üçün “ölüm-qalım” savaşı - Rusiya hərəkətə keçdi - VİDEO
Rusiya PKK terror təşkilatının Suriya qolu PYD-nin Fərat çayının qərbinə irəliləməsi üçün dəstək verməyə başlayıb.
Publika.az “Anadolu” agentliyinə istinadən xəbər verir ki, çayın qərbindəki Mümbiç şəhəri Rusiya təyyarələri tərəfindən ağır bombardman edilir.
PYD Hələbin şimalında Türkiyə tərəfindən təhlükəsiz bölgə elan edilməsi planlaşdırılan Azez-Cerablus xəttində iki istiqamətdən irəliləməyə çalışır. Təşkilat ötən ay ABŞ-ın liderlik etdiyi koalisiyanın köməyi ilə Hələbin şərqində İŞİD-i geriləməyə məcbur etdikdən sonra Fərat çayına çatıb. Dekabrın 27-də Fərat çayının üzərindəki Tişrin su anbarını İŞİD-dən alan PYD ardınca anbarın 9 km şimali-qərbindəki Əbu Kalkal bölgəsinin sərhədlərinə çatıb.
PYD-nin Hələb vilayətinə bağlı Mümbiç mahalını ala bilməsinin səbəbi hava dəstəyinin olmaması idi. Bölgədə hərbi güc toplamaqda davam edən PYD daha irəli hərəkət etməməsi barədə ABŞ tərəfindən də xəbərdar edilmiş və hava dəstəyini təxirə salmışdı. Buna görə də üzünü Rusiyaya çevirən PYD-nin gözlədiyi dəstək bu gün gəlib.
Yerli mənbələrin verdiyi məlumata görə, Rusiyanın döyüş təyyarələri Mümbiç mahalının mərkəzini bombalamağa başlayıb. PYD-nin liderlik etdiyi güclərin isə quru əməliyyatına başlayıb-başlamadığına dair məlumat yoxdur.
Qeyd edək ki, Ankara Suriyanın şimalında - Fərat çayının qərbində PYD üçün “qırmızı xətt” çəkib. Türkiyə İŞİD-dən azad ediləcək bölgəyə PYD deyil, Azad Suriya Ordusunun daxil olmasını istəyir. Ankara dəfələrlə bəyan edib ki, PYD Fərat çayının qərbinə keçəcəyi halda vurulacaq.
Məlumata görə, PYD Azezi ələ keçirib Afrin və Kobanini birləşdirməklə Şimali Suriyada xəyalını qurduğu “kürd dövləti”ni yaratmaq istəyir.
Ömər Dağlı
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq