Dünya
Putinin “şəxsi ordu”su “qəbiristanlıq əməliyyatı” keçirdi
Moskvanın Xovanski qəbiristanlığında bir neçə etnik cinayətkar qruplaşmanın iştirakı ilə baş verən kütləvi davanın 100-dən çox iştirakçısı saxlanılıb.
Publika.az xəbər verir ki, bu haqda “Lenta.ru” saytına hüquq-mühafizə orqanlarındakı mənbə bildirib.
Qarşıdurmanın lokallaşdırılması üçün keçirilən əməliyyata Moskva Xüsusi Təyinatlı Milis Dəstəsinin komandiri general Dmitri Dayniçenko rəhbərlik edir. Beləliklə, “qəbiristanlıq əməliyyatı” Rusiyanın Milli Qvardiya güclərinin yaranmasından sonra cəlb edildiyi ilk xüsusi əməliyyat olub.
Qeyd edək ki, toqquşmalarda 500-ə qədər insan iştirak edib. “RİA-Novosti” agentliyinə paytaxtın hüquq-mühafizə orqanlarındakı mənbə bildirib ki, qarşıdurma nəticəsində bir neçə insan həlak olub. “Davanın gedişatında odlu silah tətbiq edilib. Buna görə də bir neçə nəfər həlak olub, ağır yaralıları var. Təcili tibbi yardım onları ərazidən çıxarır”, - agentliyin həmsöhbəti deyib.
“İnterfaks” isə şəhərin təcili tibbi xidmətdəki mənbəyə istinadən bir polis əməkdaşının həlak olduğunu yazıb.
Xatırladaq ki, prezident Vladimir Putin aprelin 5-də Milli Qvardiyanın yaradıldığını elan edib. Daxili Qoşunların tərkibində qurulan qvardiya yeni federal orqan kimi fəaliyyət göstərəcək. Quruma Putinin yaxın dostu, general Viktor Zolotov başçılıq edir.
Rəsmi Moskvanın, daha dəqiqi, Putinin izahı belədir ki, Milli Qvardiya terrorizmə, mütəşəkkil cinayətkarlığa və narkotiklərin qanunsuz dövriyyəsinə qarşı mübarizədə Daxili İşlər Nazirliyi ilə sıx əməkdaşlıq edəcək. Və bir növ Xüsusi Təyinatlı Polis Dəstəsinin (OMON) funksiyasını yerinə yetirəcək.
Lakin Qərb mediası, o cümlədən tanınmış analitik mərkəzlər bu fikirdədir ki, Putin dövlət çevrilişindən qorunmaq üçün şəxsi ordu yaradır.
Ömər Dağlı
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi