Dünya
Kerrinin “xaçapuri sevgisi” və Qafqaz səmasında “NATO yumruğu”
ABŞ Dövlət katibi Con Kerrinin Gürcüstan səfərində yadda
qalan bir sıra məqamlar oldu. Amerikanın baş diplomatının Tiflisdə
xaçapuriyə qonaq edilməsi və onun buna heyran qaldığını deməsi,
səfərin protokoldan kənar hissəsi idi. Lakin okeanın o tayından
gələn adamın gürcü torpaqlarına əliboş gəlmədiyi də
məlumdur.
Çantada gətirilən Qərb dəstəyi
Con Kerrinin Gürcüstan səfəri və burada verdiyi bəyanatlar, ardınca
Ukraynaya getməsi Rusiyanın siyasətinə qarşı addımlar atıldığını
deməyə əsas verir.
“Tamamilə aydındır ki, biz sizin bir ölkə kimi Qərbə üz
tutmaq və cəzalandırılmadan Qərblə qarşılıqlı əlaqələr qurmaqla
bağlı istəklərinizə böyük hörmət bəsləyirik”.
Baş naziri Georgi Kvirikaşvili və onun kabinetinin üzvləri ilə
görüşdə Kerrinin bu fikirləri səsləndirməsi də onun səfərinin
məqsədini açıq şəkildə göstərir.
Bununla yanaşı, Kerri Tiflisdə müdafiə və təhlükəsizlik sahəsində
Gürcüstan-ABŞ memorandumu imzaladı. O, gürcü torpaqlarında işini
bitirdikdən sonra Ukraynaya yollandı və Ukrayna rəsmiləri ilə
təhlükəsizlik məsələlərini müzakirə etdi. Görünür, ABŞ Rusiya
sərhədləri yaxınlığında möhkəmlənməyi sürətləndirir.
Rusiya Federasiya Şurasının beynəlxalq işlər üzrə komitəsinin sədri
Konstantin Kosaçev bildirib ki, ABŞ-ın Rusiya
sərhədlərində istənilən fəallığı və qonşu ölkələri öz himayəsinə
götürmək siyasəti Moskva tərəfindən narahatlığa səbəb olur: “Lakin
düşünmürəm ki, amerikalılar Gürcüstan və Ukraynaya verdikləri sözü
yerinə yetirə biləcəklər”.
Tiflis-Kiyev-Varşava və Rusiyaya qarşı “NATO
yumruğu”
Rusiyalı siyasətçinin bu açıqlaması Kerrinin səfərindən Moskvanın
narahat olduğunu göstərir. Lakin amerikalı diplomatın Tiflis və
Kiyevə gəlməsi bu iki paytaxtın NATO ilə əlaqələrini gücləndirmək
məqsədinə də xidmət edirdi. Onun Tiflisdən Kiyevə, oradan da
Polşaya gedərək, NATO-nun bu gün Varşavada keçirilən sammitinə
qatılması da bunu deməyə əsas verir.
Bu baxımdan, Kerrinin Tiflis-Kiyev-Varşava marşrutunu seçməsi onun
çantasında Gürcüstan və Ukraynanın Şimal Alyansına qəbulu, yaxud bu
yolda müzakirə olunması vacib olan məsələni daşıdığını hesab etmək
olar. Dövlət katibi Tiflisdə olarkən Gürcüstanın NATO-ya girməsi
üçün ABŞ-ın dəstək verəcəyini də açıqlamışdı.
Kerridən gürcülərə “təsəlliverici mükafat”
Gürcüstanlı ekspert Qeorqi Kalatozişvili bildirib ki, Con Kerrinin
NATO sammiti ərəfəsində Tiflisə gəlməsi gürcü siyasətçilərində
ümidlər yaratdı: “Lakin sammitin gedişində Gürcüstanın ittifaqa
qəbul edilməsini gözləmək çətindir. Güman ki, xüsusi status
veriləcək. Yəni Kerrinin səfəri gürcülər üçün “təsəlliverici
mükafat” oldu”.
Gürcü ekspert qeyd edib ki, Kerrinin səfəri zamanı Gürcüstan-ABŞ
hərbi əməkdaşlığı haqda imzalanan memorandum xüsusi əhəmiyyətə
malikdir.
NATO-ya qəbul məsələsində gəlincə, Q. Kalatozişvili Kerrinin
bununla bağlı konkret heç nə demədiyinə diqqət çəkib: “Yalnız bu
yolda hər cür dəstək verəcəklərini açıqladı. Gürcüstanın baş naziri
da açıqladı ki, Varşava sammitinin nəticəsində uyğun olaraq, NATO
və Gürcüstan birgə bəyanatla çıxış edəcək. Əlbəttə, bunu
Gürcüstanda gözləmirdilər. Lakin Kerri ictimaiyyəti
sakitləşdirərək, məyus olmamağa dəvət etdi. Qeyd etdi ki, hazırda
Suriya və Ukrayna məsələsinə görə ləngimələr var, lakin 2008-ci il
Buxarest sammitinin qərarını həyata keçirmək mümkündür. Hansı ki,
həmin qərarda “Gürcüstan mütləq NATO-ya üzv olacaq” deyə
bildirilirdi”.
Rusiyalı senatordan “qıcıqlanırıq”
açıqlaması
Konstantin Kosaçev isə Kerrinin Gürcüstanın NATO-ya üzv olacağı ilə
bağlı bəyanatını Tiflisin Şimal Alyansına üzvlüyünün real olduğu
kimi qəbul etməyin tərəfdarı olmadığını deyib: “Hər şeydən öncə,
Avropada bu fikirlərə ciddi rəqiblər var. Əgər məsələ səsverməyə
çıxarılacaqsa, Rusiya haqda sanksiyalardan fərqli olaraq,
Gürcüstanın NATO-ya üzvlüyü ilə bağlı yekdil fikir olmayacaq”.
Rusiyalı senator hesab edir ki, Gürcüstan və Ukraynanın NATO-da
potensial üzvlüyü Rusiyaya qarşı qıcıqlandırıcı və təzyiq
addımıdır.
“Kerri bir qədər ruhdan düşmüş gürcüləri cəsarətləndirməyə və
“möhkəm olun, Qərb sizə kömək edəcək” deməyə gəlmişdi”, - deyə
Rusiya Federasiya Şurasının beynəlxalq işlər üzrə komitəsinin sədri
vurğulayıb.
Asif
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ