Dünya

Ərdoğanın təyyarəsini Rusiya qırıcıları qorudu

10 Avqust 2016 10:08

15 iyul hadisələrindən sonra ilk dəfə Rusiyaya səfər edən Türkiyə prezidenti Rəcəb Tayyib Ərdoğanla bağlı yüksək təhlükəsizlik tədbirləri görülüb.

Publika.az xarici mediaya istinadən xəbər verir ki, Snakt-Peterburqa səfər zamanı R.T.Ərdoğanı aparan təyyarə ölkə ərazisi boyu Rusiya Hərbi Hava Qüvvələrinə məxsus “SU-24” döyüş təyyarələri tərəfindən müşayiət edilib.

Rusiya kəşfiyyatı NATO ölkələrindən R.T.Ərdoğanın səfəri ilə bağlı təxribat ehtimalını nəzərə alaraq, Sankt-Peterburqda yüksək təhlükəsizlik tədbirləri həyata keçirib. Hətta, təhlükəsizlik tədbirlərinə prezident Putinin şəxsən nəzarət etdiyi deyilir.

Xatırladaq ki, 2015-ci ilin noyabrında rəsmi Ankara ilə Moskva arasında yaşanan təyyarə böhranından sonra avqustun 9-da Sankt-Peterburqun Konstantinov sarayında Türkiyə və Rusiya prezidentləri – Rəcəb Tayyib Ərdoğan ilə Vladimir Putin arasında tarixi görüş keçirilib.

Vasif Həsənli