Dünya

İŞİD "kölə qadın"ları bu həbsxanada saxlayıb - ŞOK VİDEO

2 Sentyabr 2016 10:51

Suriyanın şimalındakı Manbic şəhərində "İraq və Şam İslam Dövləti" (İŞİD) terror təşkilatının cinsi istismara məruz qoyduğu, "seks köləsi" kimi istifadə etdiyi qadınların saxlandığı həbsxana aşkarlanıb.

Manbic şəhərinin İŞİD terrorçularından azad olunması üçün döyüşlər aparmış qüvvələri birləşdirən Manbic Hərbi Şurasının əsgərləri şəhərin mərkəzi küçələrindən birindəki binada bu həbsxananı aşkarlayıblar.
Həbsxanada dəmir qapılı 10 kamera var.

İŞİD terrorçuları seks köləsi olmaq istəməyən qızları və qadınları bu kameralarda saxlayır, onlara işgəncələr verirdilər.

Manbic şəhərinin azad olunması İŞİD-in 2015-ci ilin iyul ayından, Türkiyə ilə sərhəddəki Kobani yaxınlığında məğlubiyyətə düçar olmasından sonra ən böyük itkisidir.

Manbicin önəmi onun Suriya-Türkiyə sərhədi ilə İŞİD-in faktiki paytaxtı Rəqqa arasında "tranzit məkan" rolunu oynamasındadır. (milli.az)