Dünya

Barselona terrorunu törədən şəxs ÖLDÜRÜLDÜ

18 Avqust 2017 21:15

Ötən gün Barselonada avtomobili piyadaların üzərinə sürən terrorçu Kambrils şəhərində polis tərəfindən məhv edilib.

Publika.az bildirir ki, bu barədə “El País” qəzeti polis mənbələrinə istinadən məlumat verib. Bundan əvvəl İspaniya KİV-ləri insanların üzərinə maşını sürənin Mərakeş əsilli Musa Ukabir olduğu barədə məlumat yayıb.

Ötən gün Barselonanın mərkəzindəki piyadalar üçün nəzərdə tutulmuş Rambla küçəsində naməlum şəxsin idarə etdiyi yük maşınının kütləyə çırpıb. Sürücü hadisə yerindən qaçmağa müvəffəq olub.

Daha sonra Kambrils şəhərində terrorçular idarə etdikləri yük maşınını piyadalın üzərinə sürüblər. Son məlumatlara əsasən, İspaniyada törədilən terror aktları nəticəsində 14 nəfər ölüb, 130 nəfər yaralanıb. Polis Kambrils şəhərində 5 terrorçunu zərərsizləşdirib, 4 nəfər saxlanılıb. Hadisəyə görə məsuliyyəti İŞİD üzərinə götürüb.