Dünya

Bir gündə İKİ HÜCUM: general və mühafizəçisi həlak oldu

2 Sentyabr 2019 11:12

Əfqanıstanda partlayış baş verib.

Publika.az xəbər verir ki, ölkənin qərbindəki Fərəh vilayətinin Anar Dərə ilçəsidə yol kənarına yerləşdirilmiş bombanın partlaması nəticəsində 8 nəfər həlak olub.

Fərəh polis bölməsinin mətbuat katibi Muhibbullah Muhib jurnalsitlərə açıqlamasında bildirib ki, ölənlərdən 6-sı dinc sakin, 2-si təhlükəsizlik qüvvələri əməkdaşıdır. O, bombanın Taliban qruplaşması tərəfindən yerləşdirildiyini önə sürübbildirib. Taliban hələ ki, hadisə ilə bağlı açıqlama verməyib.

Bununla yanaşı, ölkənin şimal-şərqindəki Bədəxşan vilayətindəki futbol stadionunda təşkil edilən bombalı hücumda 2 nəfər ölüb. Ölənlərdən biri general Nazir Əhməd Niyazi, digəri isə onun mühafizəçisidir. Hadisə nəticəsində çox sayda insan yaralanıb.

Hücumun məsuliyyətini heç bir qruplaşma öz üzərinə götürməyib.

Zümrüd