“Ukrayna ərazisinə dəqiq zərbə endirilməlidir”

"Ukrayna ərazisinə dəqiq zərbə endirilməlidir".

ANS PRESS-in məlumatına görə, bu haqda Rusiya Federasiya Şurasının vitse spikeri Yevgeni Buşmin bildirib.

Onun sözlərinə görə, bazar günü Ukrayna tərəfindən atılan mərmi nəticəsində Rostov vilayətinin "Donetsk şəhəri"ndə bir yaşayış evi zərər çəkib. Hadisə zamanı bir kişinin öldüyü, bir qadının isə ağır yaralandığı deyilir.

"Son iki həftədir ki, mən Rostov vilayətindəyəm. Burada kim xidmət edirsə, onların hamısı ilə həmsöhbət olmuşam. Əvvəllər rus sərhədçilərinə qarşı heç bir provakasiya hiss etməmişdim, indi isə əksinə düşünürəm ki, kimsə bizi Ukrayna silahlı qüvvələri ilə üz-üzə qoymaq istəyir", - deyə Buşmin bildirib.


Yevgeni Buşmin

"Bu situasiyadan yeganə çıxış yolu İsrail kimi dəqiq zərbə endirməkdir. Fələstinlilərlə döyüş zamanı da İsrail ordusu mərminin haradan atıldığını öncədən dəqiqləşdirir, sonra isə həmin yeri məhv edir", - deyə Rusiya Federasiya Şurasının vitse spikeri əlavə edib.