71 yaşlı kişi 9 yaşlı qızı zorladı (VİDEO)

Ötən gün axşam saatlarında Türkiyədə iyrənc cinayət baş verib. ANS PRESS-in məlumatına görə, saat 21:30-da Atatürk meydanı yaxınlığında 9 yaşında qız yaşlı şəxs tərəfindən zorlanıb.

Belə ki, iftardan sonra şəhərə gəzməyə çıxan ailənin azyaşlı qızı valideynlərinin yanından kənarda oynayır. Bu zaman onun yanına yaşlı bir kişi yaxınlaşıb və qıza dondurma alacağını deyib. Kişi qızın başını aldadaraq kolluğa aparıb. Orada qıza təcavüz edib. Qızın qışqırtısına ətrafda olan insanlar gəlib. Onlar kişinin iyrənc hərəkətindən qəzəblənərək ona hücum ediblər. Qəzəbli kütlənin əlindən qurtarmaq üçün yaşlı adam cibindən bıçaq çıxarıb. O, bir neçə nəfərə yüngül xəsarət yetirərək hadisə yerindən qaçıb.

Dərhal polisə xəbər verilib. Hadisədən iki saat sonra şübhəli şəxs evinin girəcəyində tutulub. Saxlanılan şəxsin 71 yaşında İ.M. olduğu məlum olub. O, ilk öncə ittihamları qəbul etməyib.

Lakin hadisə şahidləri və təcavüz olunan I sinif şagirdinin ifadələri kişinin günahkar olduğunu göstərib. Sonradan yaşlı adam günahını qəbul edib. O saxlanılıb.

Hücuma məruz qalan uşaq isə psixoloji sarsıntı keçirib. Ona psixoloji yardım göstəriləcək.