İdman

“Real”ın ulduzu DÇ-yə bəy kimi gedir: Gəlin kimdir? - FOTOLAR

11 İyun 2026 12:40

2026-cı il, şübhəsiz ki, Brahim Diasın həyatında ən yaddaqalan illərdən biridir.

Yanvar ayında Afrika Millətlər Kubokunun finalında son saniyədə penaltidən qaçdı və Seneqal kuboku qazandı. Lakin mart ayında CAF Apelyasiya Şurası qələbəni Mərakeşə verdi və bu qərarın Diası məmnun etməsi ehtimalı azdır.

Yazın sonunda “Real Madrid” futbolçusu üçün daha bir əlamətdar hadisə baş verdi və o, bunu özü təşkil etdi.

Publika.az oxucuları Lusla tanış edir – Brahim Diasın nişanlısı ilə.

Mayın 28-də Dias xanımına evlilik təklifi etdi. Lus özü bu xəbəri açıqladı, “İnstaqram” səhifəsində üzüyünü və gülümsəyən Brahimin şəklini “Əbədi birlikdə!” başlığı ilə paylaşdı.

Lusun “hə”, yəni “Sí” dediyini artıq başa düşdünüz. Beləliklə, Dias Dünya Kubokuna bəy kimi gedəcək!

Lus Mendes 18 avqust 1997-ci ildə anadan olub. Yayın sonunda 29 yaşı tamam olacaq . O, Diasdan iki yaş böyükdür.

Lus peşəkar məşqçidir. Onun “İnstaqram”da 330.000 izləyicisi və öz fitness imperiyası var. “Elements” adlanır və baş ofisi Madriddə, filialları isə Mayami, Mexiko və digər böyük şəhərlərdə yerləşir.

Lus həmçinin aktyorluq təhsili alıb və onun tərcümeyi-halında bir neçə serialda rol var.

Brahim və Lus 2023-cü ildən bəri birlikdədirlər. Cütlük Madriddə – Diasın üç mövsüm icarə əsasında keçirdiyi “Milan”dan “Real”A qayıtdığı zaman tanış olublar.

Yeri gəlmişkən, LuS Kanar adalarında, Mərakeş millisinin yarımmüdafiəçisi isə Malaqada anadan olub. Dünya xəritəsinə baxın: Diasın nişanlısının doğulduğu yer Brahimin özünün doğulduğu yerdən təmsil etdiyi ölkəyə daha yaxındır.

Publika.az