Ukrayna ordusundan BÖYÜK ZƏRBƏ: Çeçenistandan gələn batalyon MƏHV EDİLDİ - FOTO

Ukrayna Silahlı Qüvvələri Baş Qərargahının məlumatına görə, Ukrayna hərbçiləri Donetsk vilayətində yaşayış məntəqələrinə hücum edən Rusiya ordusuna məxsus batalyon taktiki qrupunun bir hissəsini məhv edib.

Publika.az">Publika.az-ın məlumatına görə, həmin batalyon taktiki qrupu komandir və qərargah rəisi ilə birlikdə BMP-3-dən atəş açarkən məhv edilib.

“Donetsk vilayətində Ukrayna Silahlı Qüvvələri Çeçenistanın Şali şəhərindən 42-ci motoatıcı diviziyanın 70-ci motoatıcı alayının 1-ci batalyon taktiki qrupunun və Cənub Hərbi Dairəsinin 58-ci ordusunun hərbçilərini məhv edib. Həmin maşında olanlardan yalnız çavuş Maqomedov sağ qalıb. Əsgərlərimiz onu yanmış, az qala ölmüş vəziyyətdə tapıblar. Məhv edilmiş bölmənin tərkibində Suriyanın dinc əhalisinə qarşı törədilmiş qırğınların çoxlu iştirakçıları var. Hərbi bölmənin dislokasiya yeri Çeçenistandakı Şali şəhəridir”, - məlumatda deyilir.

Baş Qərargah qeyd edib ki, məhv edilmiş işğalçılar arasında əvvəllər Suriyadakı müharibədə iştirak edən və əhaliyə qarşı qırğınlar törədənlər var.