Dünya

Serj Sarkisyanın qardaşı oğlu HƏBS EDİLDİ

1 İyun 2022 21:12

Ermənistanın üçüncü prezidenti Serj Sarkisyanın qardaşı oğlu Hayk Sarkisyan iki ay müddətinə həbs edilib.

Publika.az xəbər verir ki, bu barədə "Sputnik Ermənistan"a Ermənistan İstintaq Komitəsinin mətbuat katibi Vardan Tadevosyan məlumat verib.

O qeyd edib ki, İrəvanın Ümumi Yurisdiksiya Məhkəməsi istintaq orqanının vəsatətini təmin edib.

Vəkil Amram Makinyan sosial şəbəkədə yazıb ki, Sarkisyan üç polisin yalan ifadələri əsasında həbs edilib. Makinyan bildirib ki, bu qədər müşahidə kamerasının olmasına baxmayaraq, Sarkisyanın polis əməkdaşlarına qarşı zor tətbiq etdiyi bir video belə yoxdur.

Xatırladaq ki, mayın 31-də Sarkisyanın qardaşı oğlu, Sünik şəhərinin keçmiş qubernatoru Surik Xaçatryanın oğlu mayın 30-da üçüncü hökumət binası qarşısında kütləvi iğtişaşlarda iştirak ittihamı ilə saxlanılıb.