Dünya

Artilleriya, quru qoşunları və tanklar: General əks-hücum strategiyasını açıqladı

2 İyun 2023 15:15

Tanklar Ukraynanın əks-hücumunda həlledici rol oynayacaq.

Publika.az "Yevropeyskaya Pravda"ya istinadən xəbər verir ki, ABŞ-ın Birləşmiş Qərargah Rəisləri Komitəsinin rəhbəri general Mark Milli Ukraynanın gələcək əks-hücum əməliyyatı üçün tankların vacibliyini qeyd edib.

Amerikalı generalın sözlərinə görə, tanklar Ukrayna Müdafiə Qüvvələrinin əks-hücumunda həlledici atəş gücünü təmin edəcək.

"Tanklar həm müdafiə, həm də hücum üçün çox vacibdir. Təkmilləşdirilmiş müasir tanklar, onlara uyğun hazırlıq, onlardan istifadə bacarığı Ukraynanın uğurunun əsas komponenti olacaq", - Milli deyib.

O qeyd edib ki, əks-hücum başlayanda tanklar artilleriya, piyada və digər quru qoşunları ilə birgə fəaliyyət göstərəcək.

Eyni zamanda, Milli, F-16 qırıcılarının tədarükü məsələsinin Ukraynanın təchiz edilməsi üçün uzunmüddətli plan olduğunu vurğulayıb.

"Hər kəs başa düşür ki, Ukraynanın modernləşdirilmiş Hərbi Hava Qüvvələrinə ehtiyacı var və hamı bundan xəbərdardır. Belə bir hərbi hava qüvvələrinin yaradılması çox vaxt, səy və pul tələb edəcək", - general bildirib.

Mehti Kamiloğlu