Dünya

And içməmiş ABŞ-a niyə gedib?

28 Noyabr 2023 11:40

Argentinanın yeni rəhbəri Xavyer Miley ABŞ-a səfər edib.

Publika.az xəbər verir ki, Miley Beynəlxalq Valyuta Fondunun (BVF) rəsmiləri və Ağ Ev prezidenti Co Baydenin administrasiyası ilə danışıqlar aparmaq üçün Nyu-York və Vaşinqtonda olacaq.

Bu barədə “Bloomberg” məlumat yayıb. Mənbələrin məlumatına görə, Miley Baydenin milli təhlükəsizlik üzrə müşaviri Ceyk Sallivan və ABŞ Maliyyə Nazirliyinin nümayəndələri ilə görüşəcək. Departamentdən bildirilib ki, yüksək vəzifəli məmurlar Mileyin komandası ilə iqtisadi siyasətlə bağlı danışmaq niyyətindədirlər.

Kampaniya meneceri Nikolas Posse və iqtisadi məsləhətçi Luis Kaputonun müşayiəti ilə o, BVF rəsmiləri ilə danışıqlar aparacaq, çünki Argentina 43 milyard dollarlıq kredit sazişini yenidən müzakirə etməlidir.

Mileyin andiçmə mərasiminin dekabrın 10-da olacağı bildirilir.

Tural