Dünya

Həyəcan təbili: Qlobal iqtisadiyyat üçün ciddi təhlükə var

28 Noyabr 2023 14:15

Dünya iqtisadiyyatı ayrı-ayrı ticarət bloklarına parçalanır, bu isə çox ciddi təhlükədən xəbər verir.

Publika.az xəbər verir ki, Çin Xalq Respublikasının Dövlət Şurasının baş naziri Li Qianq belə deyib. Onun fikrincə, belə vəziyyətdə dövlətlər qlobal istehsal və logistika zəncirlərinin maneə törədilməsinin qarşısını almalıdır.

Baş nazir əlavə edib ki, ölkələr texnoloji tərəqqi və əmək məhsuldarlığını sürətləndirmək istəyirlərsə, açıq inkişaf imkanlarından daha yaxşı yararlanmalıdırlar.

Qeyd edək ki, bir müddət əvvəl Rusiya Federasiyası Dövlət Dumasının sədri Vyaçeslav Volodin Rusiya və Çinin qabaqcıl sənaye və innovasiyalar yaratmaq üçün ən yaxşı təhsil təcrübələrini mübadilə etməli olduqlarını deyib. Parlamentin aşağı palatasının sədri eyni zamanda qeyd edib ki, iqtisadi artımın yüksək templərinə nail olmaq üçün təhsilin keyfiyyətinin yüksəldilməsindən başlamaq lazımdır.

Cəmilə