Dünya

Yataqxanada yanğın: 13 nəfər öldü

30 Noyabr 2023 15:25

Qazaxıstanın Almatı şəhərində yataqxanada baş verən yanğında 4-ü xarici ölkə vətəndaşı olmaqla, 13 nəfər həyatını itirib.

Publika.az xəbər verir ki, Almatı Fövqəladə Hallar İdarəsindən verilən açıqlamada şəhərdə üçmərtəbəli binanın zirzəmisində fəaliyyət göstərən “Almatı Hostel” adlı yataqxanada yerli vaxtla saat 05:30 radələrində yanğın baş verdiyi bildirilib.

Açıqlamada yanğında 4-ü əcnəbi olmaqla 13 nəfərin cəsədinin tapıldığı qeyd edilib. 13 nəfərin tüstüdən zəhərlənərək öldüyü, həyatını itirən əcnəbilərdən 2-nin Rusiya, 2-nin isə Özbəkistan vətəndaşı olduğu məlum olub.

Yanğın zamanı yataqxanada olan 72 nəfərdən 59-nun öz imkanları ilə çıxdığı, 3 nəfərin isə xəstəxanaya yerləşdirildiyi açıqlanıb.

Almatı qubernatoru Yerbolat Dosayevin sözlərinə görə, yataqxanadan daha çox universitet tələbələrinin istifadə edirmiş. Yataqxana 1,5 ay əvvəl fəaliyyətə başlayıb və zirzəmidə olmaq qanuna zidd imiş.

Nəzrin Cavadzadə