Fransanı geridə qoyacaq: İngiltərə 2024-cü ili "Türkiyə ili" elan etdi

Turizm sahəsində qazandığı sürətlənmə ilə diqqət çəkən Türkiyə bu dəfə İngiltərənin "Teleqraf" qəzetinin diqqət mərkəzindədir.

Publika.az xəbər verir ki, “Bu il niyə Türkiyədə tətil ilidir?” başlığı ilə oxucularının qarşısına çıxan ingilis qəzeti Türkiyənin Fransanı geridə qoyacağını bəyan edib:

“Bu il Avropanın ikinci ən populyar məkanı olacaq ölkəyə səfər etmək üçün bundan daha yaxşı vaxt olmayıb. Dünya Səyahət Bazarı göstərir ki, dünyanın getdikcə cəlbedici olan bu guşəsi 2024-cü ildə İspaniyadan sonra ən çox ziyarət edilən ikinci ölkə olaraq hətta Fransanı da geridə qoyacaq.

Dünyanın böyük şəhərlərindən biri olan qitəni əhatə edən meqapolis İstanbulu, dənizə çıxışı olmayan Kapadokiyanın qəribə və cazibədar təbiət möcüzələrini və bölgənin ən yaxşı ləzzətlərini özündə birləşdirən məşhur mətbəxi nəzərə aldıqda, Türkiyənin cəlbediciliyi daha da aydınlaşır”.

Terri Riçardsonun yazdığı xəbərdə Türkiyənin turizm sahəsindəki inkişafına diqqət çəkilib.

Roza Şəfiyeva