Navalnının ölümü ilə bağlı yeni faktlar: Sənədlər sızdırıldı

Siyasətçi Aleksey Navalnının koloniyada ölümü ilə bağlı cinayət işinin başlanmasından imtina etmək qərarından müxalifətçinin zəhərlənməsini göstərən əlamətlərə istinadlar silinib.

Publika.az xəbər verir ki, bu barədə "The Insider" məlumat yayıb.

Ədliyyə mayoru Aleksandr Varapaevin imzaladığı sənəddə deyilir ki, siyasətçi ölümündən əvvəl yerə uzanıb, bundan sonra qarnındakı kəskin ağrılardan şikayət etməyə başlayıb: “Onun mədəsində qıcolmalar yaranıb, huşunu itirib və bu barədə dərhal islah müəssisəsinin tibb işçilərinə məlumat verilib. Lakin bu fraqment qətnamənin son variantından itib. Eyni zamanda, Navalnının ölümündən sonra müsadirə edilmiş əşyaların inventarında "yuyulmalar və bərk qusma parçaları" göstərilir - onlar əvvəllər bildirilməyən ekspertizaya göndəriliblər".

Bu məlumatlar ərinin "ölümündən əvvəl son dəqiqələrdə qarnında kəskin ağrılardan şikayət etdiyini" söyləyən Yuliya Navalnayanın sözlərini təsdiqləyir.

Navalnını müalicə edən reanimatoloq Aleksandr Polupan simptomları zəhərlənmədən başqa heç bir şeylə izah edilə bilməyəcəyini ifadə edib.

Navalnının ölümünün rəsmi səbəbi ürəyin dayanmasına səbəb olan aritmiya olub. Eyni zamanda, İstintaq Komitəsi siyasətçinin ölümünün "cinayət xarakteri daşımadığını" vurğulayıb.

Xatırladaq ki, Aleksey Navalnı fevralın 16-da Yamalo-Nenets Muxtar Dairəsinin Xarp kəndindəki 3 saylı islah koloniyasında dünyasını dəyişib. Federal Penitensiar Xidmətin məlumatına görə, siyasətçi gəzinti zamanı xəstələnib, bundan sonra huşunu itirib. Gələn həkimlər onu həyata qaytarmağa çalışsalar da, buna nail ola bilməyiblər.

Adəm