Dünya

Ukrayna Kazanı vurdu: hökumət başçısı hadisə yerindədir

21 Dekabr 2024 12:16

Ukraynaya aid pilotsuz təyyarə Tatarıstanın paytaxtı Kazanda insanların təxliyəsi zamanı çoxmərtəbəli yaşayış binasına hücum edib.

Publika.az xəbər verir ki, bu barədə “Life SHOT” kanalı məlumat verib.

Bildirilib ki, zərbədən sonra binanın yuxarı mərtəbələrində güclü yanğın başlayıb.

“Mash” “Telegram” kanalının məlumatına görə, dronlar Kazanın mərkəzi yaxınlığındakı “Elit Manhetten” yaşayış kompleksinə və “Krasnaya Pozitsiya” küçəsindəki beşmərtəbəli binaya da hücum ediblər.

Bundan bir qədər əvvəl pilotsuz təyyarə Kazanda “Vzletnaya” və “Patris Lumumba” küçələrinin kəsişməsində yerləşən 37 mərtəbəli “Azure Skies” yaşayış kompleksinə düşüb. Jurnalistlərin məlumatına görə, binada yanğın olub.

“TASS” agentliyinin məlumatına görə, Tatarıstan Respublikasının Baş naziri Aleksey Pesoşin bu xəbərdən sonra sözügedən əraziyə gedib.

“Prezident Rüstəm Nurqalieviç vəziyyətlə bağlı mütəmadi olaraq məlumatlandırılır”, - deyə bəyanatda bildirilib.

Roza