Dünya

Lavrovdan Suriya xəbərdarlığı: Liviya kimi olmasın

27 Dekabr 2024 14:11

Rusiyanın xarici işlər naziri Sergey Lavrov ilin sonu münasibətilə paytaxt Moskvada videokonfrans şəklində keçirdiyi mətbuat konfransında jurnalistlərin suallarını cavablandırıb.

Publika.az xəbər verir ki, Lavrov dünyada baş verən isti mövzularda dəyərləndirmələr edib.

O, Suriyanın ərazi bütövlüyünün təmin edilməli olduğunu vurğulayıb:

“Bu məqamda ən mühüm məsələ Suriyanın ikinci Liviyaya çevrilməməsidir. Təbii ki, qonşu Suriyadan qaynaqlanan təhlükəsizlik təhdidlərinə qarşı Türkiyənin cavab vermək və tədbir görmək hüququ var. Bununla belə, biz həm də hesab edirik ki, bütün etnik qruplar yeni Suriyanın qurulmasında fəal rol almalıdırlar”.

Lavrov Suriyadakı inqilabdan sonra bölgədə İsrail faktoruna da toxunub:

“İsrail də bölgədə konstruktiv rol oynamalıdır. O, təkcə öz maraqlarını deyil, həm də qonşu Suriyanın maraqlarını və təhlükəsizliyini qorumalıdır”.

Aysel Şahmar