Almaniyadan Qəzzada atəşkəs razılaşmasına reaksiya: Rahatlıq günüdür

Almaniya İsrail ilə HƏMAS arasında Qəzzada əldə edilən atəşkəs razılaşması ilə bağlı məmnunluğunu ifadə edib.

Publika.az xəbər verir ki, məsələ ilə bağlı Almaniyanın xarici işlər naziri Annalena Berbok açıqlama verib.

O, bu günü bütün tərəflərin iztirablarının artıq sona çata biləcəyi rahatlıq günü kimi şərh edib: “Məhkumların azad edilməsi və İsraillə HƏMAS arasında atəşkəs razılaşması təkcə insanların həyatını xilas etmir, həm də 15 aydan sonra Qəzza xalqına, məhbuslara, onların yaxınlarına və bütün bölgəyə həqiqi ümid verir”.

Berbok bütün tərəfləri razılaşmaya hörmət etməyə çağırıb: "Məhkumlar tezliklə və razılaşmaya uyğun olaraq azad edilməlidir. Qəzzada sıxıntı içində olan insanlara geniş miqyasda humanitar yardımlar çatdırılmalıdır. Qoşunların çıxarılması və fələstinlilərin məhəllələrinə qayıtması həyata keçirilməlidir".

Nazir atəşkəsin həqiqi siyasi prosesə doğru ilk addım ola biləcəyini və davamlı sülh üçün son aylarda regional tərəfdaşlarla birlikdə inkişaf etdirdikləri yeniliklərin çoxunu həyata keçirmək üçün bir fürsət ola biləcəyini qeyd edib.

Roza