İmamoğlunun qurduğu tələyə mane olacaq addım: Növbə Mansur Yavaşdadır

Jurnalist Abdulkadir Selvi CHP-nin prezidentliyə namizədinin müəyyənləşdirilməsində Yavaş qarşısındakı iki variantı təhlil edib.

Publika.az xəbər verir ki, İmamoğlunun “cəsur demokratiya praktikası” adlandırdığı bu işdə 1 milyon 600 min CHP üzvünün iştirakı ilə keçiriləcək seçkidə prezidentliyə namizədin müəyyənləşdirilməsində Ankara Böyükşəhər Bələdiyyəsinin sədri Mansur Yavaşın üstündən faktiki olaraq xətt çəkilir.

“Hürriyet” qəzetinin yazarı Abdulkadir Selvi “Mənsur Yavaş geri çəkilsə İmamoğlu nə edəcək?” başlıqlı yazısında “Altılılar” masasında oynanan oyunların bu dəfə CHP-də ustalıqla yazılmış “Mansur Yavaşı yemə oyunu” kimi yenidən oynanıldığını yazıb. Əkrəm İmamoğlu ilə birlikdə Özgür Özəlin də oyun oynadığı qeyd edilib.

Qarşılaşma Əkrəm İmamoğlunun doğma meydanında oynanılacaq və İmamoğlu matça 1-0 üstünlüklə başlayacaq. Çünki qərargah İmamoğlu üçün çalışacaq. Ona görə də ona “İmamoğlu modeli” deyirlər. Həm də bu, hakimin nəzarəti altında keçiriləcək ilkin seçki deyil. Əkrəm İmamoğluna yaxın adlardan biri olan CHP Qrup sədr müavini Gökhan Günaydın artıq etiraf edib. Nəticə nə olursa olsun, deputat qrupu prezidentliyə namizədlə bağlı qərar verəcək və deputatlar onu təklif edəcəklər.

Aysel