Mənasız vaxt itkisi: Makronun Trampla görüşünə Qərbdən reaksiya
Bizi izləyin

Dünya

Mənasız vaxt itkisi: Makronun Trampla görüşünə Qərbdən reaksiya

Mənasız vaxt itkisi: Makronun Trampla görüşünə Qərbdən reaksiya

Fransa prezidenti Emmanuel Makron Vaşinqtona səfəri zamanı amerikalı həmkarından ABŞ-ın Ukrayna üçün təhlükəsizlik zəmanətləri ilə bağlı təminat almayıb.

Publika.az xəbər verir ki, bu barədə “Politico” adı açıqlanmayan avropalı rəsmilərə və diplomatlara istinadən xəbər verir.

“Makron Trampın ABŞ-dan təminatlarla bağlı heç bir aydın vəd vermədiyini söylədi. Beləliklə, bu məsələ ilə bağlı strateji qeyri-müəyyənlik həqiqətən də qalır”, - nəşrin mənbəsi qeyd edib.

Dövlət başçılarının görüşündə iştirak edən yüksək rütbəli Avropa rəsmisi bunu “mənasız vaxt itkisi” adlandırıb. Başqa bir mənbə bildirib ki, Tramp və Makron arasındakı danışıqlar Avropanın indi tək olduğunu açıq şəkildə göstərib.

Bundan əvvəl Amerika lideri bəyan etmişdi ki, Avropa Ukraynaya təhlükəsizlik zəmanəti verəcək, ABŞ isə Kiyevə ciddi təminat verməyəcək.

Tural

Oxumağa davam et
Reklam
Reklam

Gündəm