Dünya
“Putin üçün çətin dönəm başladı” – AÇIQLAMA
“Vladimir Putin Rusiyada dayaqlarını itirib. Bu səbəbdən növbəti prezidentlik dövrü onun üçün heç də asan keçməyəcək”. Publika.Az-a danışan politoloq Vəfa Quluzadə Rusiya prezidenti Vladimir Putinin inaqurasiya mərasiminə münasibət bildirərkən belə deyib.
Politoloq hesab edir ki, Vladimir Putin son addımı ilə Rusiyanı 20 il dala atıb: “Dünyada demokratik dəyərlərə sadiqlik göstərildiyi, Qərb ölkələrində tam demokratik və şəffaf seçkilər keçirildiyi bir dönəmdə Rusiyada seçimlər saxtalaşdırılır, inzibati metodlar işə düşür.
Rusiya ictimaiyyəti Vladmir Putinə inanmır, son seçkilər və seçkiöncəsi mitinqlər də göstərdi ki, Putin rus ictimaiyyətindən dəstək almır. Sadəcə o, inzibati rıçaqları işə salaraq, zor gücünə hakimiyyəti əldə saxlaya bilir. Onun özünü demokrat göstərmək cəhdləri də dünya birliyində gülüşlə qarşılandı. Dmitri Medvedevdən vasitə kimi istifadə edərək, guya prezidentlikdən imtinası necə qarşılandısa, onun inaqurasiyası da elə qəbul ediləcək”.
Vladimir Putinin növbəti prezidentliyi dövründə Rusiya-Azərbaycan arasındakı münasibətlərin perspektivindən danışan politoloq deyib ki, Rusiya növbəti yeddi ildə də imperiya maraqlarını önə çəkəcək: “Başa düşmək lazımdır ki, Rusiya postsovet məkanına daxil olan ölkələrə, o cümlədən Azərbaycana imperiya maraqları çərçivəsində yanaşıb. Növbəti yeddi ildə də analoji siyasət davam edəcək. Kimlərsə münasibətlərin normallaşacağını düşünürsə, yanılır”.
Azər Niftiyev
Publika.Az
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR