Dünya

Netanyahu ondan üzr istədi

29 Sentyabr 2025 21:13

İsrail Baş naziri Benyamin Netanyahu HƏMAS rəhbərliyini məhv etmək məqsədilə Dohaya edilən son hücuma görə Qətərin Baş nazirindən üzr istəyib.

Publika.az xəbər verir ki, İsrail televiziyasının "12-ci kanalı"nın mənbəyə istinadən yaydığı məlumata görə, Netanyahu Vaşinqtonda ABŞ Prezidenti Donald Trampla görüşü zamanı Əl-Tani ilə telefon danışığı aparıb. O, sentyabrın 9-da Qətərin paytaxtına hücuma görə üzr istəyib.

Xatırladaq ki, sentyabrın 9-da İsrail qırıcıları ABŞ-ın təklifi üzrə HƏMAS-ın Qəzza zolağında atəşkəslə bağlı danışıqlar apardığı Qətərin paytaxtı Dohaya zərbələr endirib. Qətər hücumla əlaqədar olaraq ərəb və islam ölkələrinin fövqəladə sammitini çağırıb.