Bu ölkənin 5 minlik ordusu Ukraynaya qarşı vuruşur: Sensasion məlumat açıqlandı

Tramp administrasiyası Havananın Ukraynaya qarşı müharibədə Rusiyaya dəstəyini arqument kimi istifadə edərək, Birləşmiş Millətlər Təşkilatının Kubaya qarşı uzunmüddətli ticarət embarqosunun ləğvini tələb edən qətnaməsinə qarşı lobbiçilik etmək üçün amerikalı diplomatları səfərbər edir.

Publika.az xəbər verir ki, ABŞ Dövlət Departamentinin daxili sənədini “Reuters” yayıb.

Administrasiyanın kampaniyası çərçivəsində amerikalı diplomatlar Kuba hökumətinin Rusiyanın Ukraynaya qarşı müharibəsini fəal dəstəklədiyi və işğalçı ölkənin tərəfində 5000-ə qədər kubalının döyüşdüyü barədə məlumat verəcək.

Oktyabrın 2-də ABŞ-ın onlarla missiyasına göndərilən teleqramda deyilir: “Şimali Koreyadan sonra Kuba Rusiyanın təcavüzünə ən böyük xarici qoşun tədarükçüsüdür, təxminən 1000-5000 kubalı Ukraynada döyüşür”.

Dövlət Departamentinin sözçüsü Kuba döyüşçüləri haqqında əlavə təfərrüat verməkdən imtina edib, lakin Vaşinqtonun onların Ukraynada Rusiya qüvvələri ilə birlikdə döyüşdüklərindən xəbərdar olduğunu bildirib.

Tural