İsrail çəkiclə zindan arasında qalıb: Qəzəb Avropa və ABŞ-a yayılıb

Atlantika Şurasının üzvü Şalom Lipner deyib ki, İsrail çəkic və zindan arasında qalıb.

Publika.az xəbər verir ki, onun sözlərini "The Wall Street Journal" sitat gətirib.

"Region olaraq İsrail iki il əvvələ nisbətən indi daha az təhdid altındadır. Amma beynəlxalq miqyasda ölkə çəkic və zindan arasında qalıb və uzunmüddətli tendensiyalar onun xeyrinə deyil", - Lipner deyib.

Qeyd olunur ki, İsrailə qarşı qəzəb müsəlman dünyasından Avropaya və getdikcə ABŞ-a yayılıb, burada Demokratlar Partiyasının əhəmiyyətli bir hissəsi və MAGA (Amerikanı Yenidən Möhtəşəm Et) hərəkatının artan hissəsi indi Amerikanın İsrailə yardımına qarşı çıxır.

Avropa Komissiyasının keçmiş baş xarici siyasət müşaviri Natali Toççinin sözlərinə görə, Qərb buna icazə verdiyi üçün İsrail öz sərhədlərini aşıb.

Yeri gəlmişkən xatırladaq ki, bundan əvvəl ABŞ prezidenti Donald Tramp bəyan edib ki, ABŞ İranın Qəzza sövdələşməsində maraqlı olduğunu göstərən məlumatlar əldə edib. Ağ Ev rəhbəri bunun güclü siqnal olduğunu qeyd edib.

Adəm