Pensiya yaşı artırılır: Mərhələli şəkildə 73-ə qaldırılacaq
Bizi izləyin
Aptekonline

Avropa

Pensiya yaşı artırılır: Mərhələli şəkildə 73-ə qaldırılacaq

Pensiya yaşı artırılır: Mərhələli şəkildə 73-ə qaldırılacaq

Almaniya federal hökumətinin elmi məşvərət şurası demoqrafik meylləri nəzərə alaraq pensiya yaşının mərhələli şəkildə 73-ə çatdırılmasını təklif edib.

Publika.az xəbər verir ki, bu barədə “Bild” nəşri məlumat yayıb.

Dörd alman iqtisadçısının daxil olduğu elmi məsləhət qrupu öz hesabatında pensiya sistemində təcili islahatların aparılmasını tələb edir.

Onlar əlavə ediblər ki, Almaniyada iqtisadi göstəricilər kifayət qədər məhsuldarlıq artımı olmaması və demoqrafik problemlər səbəbindən uzun müddətdir ki, durğunluq nümayiş etdirir.

"Biz gələcək nəsillərə daha böyük yük qoymadan sosial təminat sisteminin ölçüsünü saxlamaq istəyiriksə, daha çox çalışmalıyıq. Pensiya yaşı gözlənilən ömür uzunluğu ilə əlaqələndirilməlidir", - müəlliflər deyir.

Almaniyada pensiya yaşı hazırda 65-dir, lakin 2031-ci ilə qədər 67-yə yüksələcək. 2006-cı ildən bu yana davamlı olaraq gözlənilən ömür uzunluğuna uyğun olaraq tənzimlənir.

Tural

Oxumağa davam et
Reklam
Reklam

Gündəm

Aptekonline