Deşifrə edildi: Tramp və Makron bir-birinə görün nələr deyiblər - VİDEO

Oktyabrın 13-də Misirin Şarm əl-Şeyx şəhərində keçirilən Sülh Sammiti çərçivəsində ABŞ prezidenti Donald Tramp və Fransa prezidenti Emmanuel Makronun əl sıxaraq görüşməsi diqqət çəkib.

Publika.az xəbər verir ki, həmin anlar dünya mətbuatında geniş işıqlandırılıb.

Təxminən 30 saniyə çəkən əl sıxma zamanı liderlərin bir-birinə dediyi sözlər təhdid kimi qiymətləndirilib. Britaniyanın “Daily Mail” qəzeti liderlərin əl sıxma zamanı etdikləri söhbəti dodaq oxuyucusu tərəfindən deşifrə edildiyini yazıb.

Sözügedən dioloqu təqdim edirik:

Tramp: Səni görmək xoş oldu, deməli, qəbul elədin?

Daha sonra Makron kameradan üz döndərərək anlaşılmaz cavab verib.

Tramp: Səmimisiniz?

Makron: Əlbəttə.

Bu zaman Tramp Makronun əlini daha bərk sıxıb.

Makron: Yaxşı, indi bilmək istəyirəm ki, məni niyə incidirsən. Onsuz da bilirəm.

Tramp: Mən sülhməramlıyam.

Makron: Yaxşı görək.

Tramp: Mən ancaq başqalarını incidən insanları incidirəm.

Makron: Başa düşürəm. Bunu görməliyik. Nələr olacağını görəcəksən.

Tramp: Bunu etməyini istəyirəm. Bunu et. Az sonra görüşərik.

Roza