Dünya

Yeni Dehlidəki partlayış terror aktı kimi tanındı

12 Noyabr 2025 23:35

Hindistan hökuməti Yeni Dehlidə avtomobildə baş verən partlayışı terror aktı kimi tanıyan qətnamə qəbul edib.

Publika.az xəbər verir ki, bu barədə Nazirlər Kabinetinin təhlükəsizlik məsələləri üzrə iclasından sonra məlumat yayılıb.

Hindistanın Baş naziri Narendra Modinin dəftərxanasının yaydığı məlumatda qeyd edilir ki, bu, antimilli qüvvələr tərəfindən törədilmiş dəhşətli terror aktıdır.

Hadisənin bütün icraçıları, iştirakçıları və maliyyəçilərinin tez bir zamanda müəyyən edilərək məsuliyyətə cəlb olunması üçün maksimum təcili və peşəkar şəkildə araşdırma aparılması barədə tapşırıq verilib.

Xatırladaq ki, noyabrın 10-da Hindistanın paytaxtında, "Qırmızı Qala" metrostansiyası yaxınlığında avtomobildə partlayış olub. Hadisə nəticəsində 13 nəfər həlak olub, 20-dən çox insan xəsarət alıb.