Türkiyə millisinin baş məşqçisi huşunu itirdi, oyun dayandırıldı - VİDEO

Türkiyənin U-21 millisinin baş məşqçisi 2027-ci il Avropa çempionatının seçmə mərhələsində Xorvatiya yığmasına qarşı keçirilən oyunda huşunu itirib.

Publika.az xəbər verir ki, qarşılaşmanın 36-cı dəqiqəsində "ay-ulduzlular"ın futbolçusu Demir Ege Tıknaz qayda pozuntusuna görə ikinci sarı vərəqəni alaraq meydandan qovulub. Bu qərara etiraz edən baş məşqçi Korkmaz sürüşərək yıxılıb, başı yerə dəyib. O, bundan sonra huşunu itirib.

Məşqçi təcili tibbi yardım maşını ilə xəstəxanaya aparılıb və orada özünə gəlib. Baş hakim oyunu dayandıraraq komandaları paltardəyişmə otağına göndərib. Bir neçə dəqiqədən sonra qarşılaşma bərpa olunub və oyun Xorvatiya millisinin 3:0 hesablı qələbəsi ilə başa çatıb.

Xatırladaq ki, Türkiyə və Xorvatiya H qrupunda yer alırlar. Bu turdan əvvəl Türkiyə 11 xalla qrupda lider idi, Xorvatiya isə 10 xalla ikinci pillədə qərarlaşmışdı. Bu nəticədən sonra Xorvatiya birinci yerə yüksəlib, Türkiyə isə ikinci sıraya enib.

Heybət

SON DAKİKA | Ümit Milli Takımımızın Teknik Direktörü Egemen Korkmaz, Demir Ege Tıknaz'ın kırmızı kart gördüğü pozisyon sonrasında yere yığıldı.

Teknik direktörümüzün ilk tedavisi saha kenarında yapılıyor. pic.twitter.com/rF5fqecv3M

— Tivibu Spor (@tivibuspor) March 31, 2026