"Titanik"in son xatirəsi satışa çıxarılır - FOTO
Bizi izləyin
Aptekonline

Dünya

"Titanik"in son xatirəsi satışa çıxarılır - FOTO

"Titanik" faciəsində həlak olan ən varlı sərnişinlərdən biri, "Macy’s" mağazalar şəbəkəsinin həmsahibi İsidor Ştrausun qızıl cib saatı hərraca çıxarılır.

Publika.az xəbər verir ki, 18 karatlıq saatın 22 noyabrda İngiltərədə keçiriləcək hərracda 1 milyon funt sterlinqə satılacağı gözlənilir.

Hərrac evinin direktoru Endryu Oldrik saatı “qeyri-adi bir xatirə” adlandırıb. Saat "Titanik" batdığı saata, 02:20-də dayanmış vəziyyətdə tapılıb. Üzərində Ştrausun baş hərfləri var və onun həyat yoldaşı İda tərəfindən 1888-ci ildə hədiyyə edildiyi düşünülür.


Hərracda həmçinin İdanın göyərtədə yazdığı məktub da təqdim ediləcək. Məktubun 150 min funta alıcı tapacağı gözlənilir. İda məktubunda Titaniki “möhtəşəm və zövqlü” gəmi kimi təsvir edir. "Titanik"də faciə gecəsi İda xilasetmə qayığına minməkdən imtina edərək ərinin yanında qalıb.

Cütlüyün göz yaşardan hekayəsi Ceyms Kameronun “Titanik” filmində qucaqlaşan yaşlı cütlük obrazında əbədiləşdirilib.

Roza

Oxumağa davam et
Reklam
Reklam

Gündəm

Aptekonline