Tərkibində tarakan və qurd olan qəhvə: 10 manat 50 qəpiyə

Çində həşəratların yer aldığı qeyri-adi qəhvə məhsulları peyda olub. Pekin muzeylərindən birində tərkibində tarakanlar və qurdlar olan ekzotik içkilərin satışına başlanıb.

Publika.az xəbər verir ki, bu barədə REN TV paylaşım edib.

Yeni qəhvə tarakan tozuna əsaslanır. İçki qəlyanaltı kimi yemək üçün nəzərdə tutulmuş arpa qurdu ilə verilir. Qida təhlükəsizliyi standartlarına uyğunluğu təmin edən bütün inqrediyentlər ənənəvi Çin apteklərindən alınır.

Mütəxəssislər deyirlər ki, arpa qurdları içkiyə fərqli yanmış ləzzət və ətir verir. Bu arada, tarakanlar, qarışqa "ədviyyatı" ilə tamamlanan qəhvəyə fərqli bir turşluq verir.

İçkidə həşəratların istifadəsi onların sağlamlığa faydaları ilə izah olunur. Məsələn, tarakan ekstraktı kollagen istehsalını stimullaşdırır və selikli toxumanın bərpasına kömək edir.

Bu qeyri-adi qəhvənin bir porsiyası 45 yuana (təxminən 10 manat 50 qəpiyə) başa gəlir. Qeyd olunur ki, gündəlik ondan çox porsiya satılmır, əsas müştərilər yeni kulinariya təcrübələri axtaran gənclərdir.

Adəm