Rəqsanə ev dustaqlığına buraxıldı - Yeniləndi

Müğənni Rəqsanə İsmayılova ev dustaqlığına buraxılıb.

Publika.az Teleqraf-a istinadən xəbər verir ki, bununla bağlı Sabunçu Rayon Məhkəməsi bu dəqiqələrdə qərar qəbul edib.

Qeyd edək ki, bu ilin avqustunda Sabunçu rayonunda polis əməkdaşlarının vətəndaşlardan daxil olan şikayətlər əsasında həyata keçirdikləri tədbirlər nəticəsində dələduzluq etməkdə təqsirli bilinən 1979-cu il təvəllüdlü İsmayılova Rəqsanə İsmayıl qızı saxlanılıb. Araşdırmalarla müəyyən edilib ki, o, iki nəfər zərərçəkən şəxsin ümumilikdə 35.000 manat dəyərində qızıl-zinət əşyalarını və 520.000 ABŞ dolları məbləğində pulunu dələduzluqla ələ keçirib.

Faktlarla bağlı Sabunçu Rayon Polis İdarəsində Cinayət Məcəlləsinin xüsusilə külli miqdarda ziyan vurmaqla dələduzluq etmə maddəsi ilə cinayət işi başlanılıb və R.İsmayılova təqsirləndirilən qismində saxlanılaraq istintaqa cəlb olunub.

Onun barəsində məhkəmənin qərarı ilə 4 ay müddətində həbs qətimkan tədbiri seçilib.

***

Müğənni Rəqsanə İsmayılova ev dustaqlığına buraxılıb.

Publika.az xəbər verir ki, bu barədə aparıcı Tarix Əliyev İnstaqram səhifəsində məlumat yayıb.

Qeyd edək ki, Rəqsanə İsmayılova 2025-ci ilin avqustunda dələduzluq etməkdə təqsirli bilinərək saxlanılmışdı.