Dünya

İsraildən sensasion plan: 10 il ərzində 1 milyon yəhudi...

26 Noyabr 2025 11:32

İsrailin 10 il ərzində dünyanın müxtəlif ölkələrindən 1 milyon yəhudinin ölkəyə köçürülməsini nəzərdə tutan plan gələn həftə Nyu-Yorkda keçiriləcək sammitdə müzakirə olunacaq.

Publika.az xəbər verir ki, bu barədə "Israel Hayom" nəşri məlumat yayıb.

Bildirilir ki, “11-ci Milyon” adlandırılan plan İsrailin iqtisadiyyatını, demoqrafik göstəricilərini və diasporla əlaqələrini gücləndirməyi hədəfləyir.

Dünya Yəhudi Konqresinin prezidenti Ronald Lauder, israilli iş adamı Maykl Eyzenberq və milyarder Silvan Adamsın çıxış edəcəyi sammitdə antisemitizmin artması fonunda yəhudilərin İsrailə köçü məsələsi müzakirə olunacaq.

“Bu, təkcə sionist baxış deyil, həm də inkişaf təşəbbüsüdür. Əgər İsraili dünyanın hər yerindən olan mühəndislər, sahibkarlar, təhsil və tibb işçiləri, eləcə də ailələr üçün bir evə çevirə bilsək, bütün bir nəsil üçün strateji üstünlük əldə etmiş olarıq”, - “Israel Hayom”un baş redaktoru Ömər Laxmanoviç qeyd edib.

Roza