Dünya

Tramp miqrantları hədələdi: Deportasiya edəcəyəm

28 Noyabr 2025 15:52

ABŞ prezidenti Donald Tramp üçüncü dünya ölkələrindən immiqrasiyanı birdəfəlik dayandıracaq.

Publika.az xəbər verir ki, Tramp bu barədə sosial media hesabında paylaşım edib.

“Texnoloji irəliləyişlər əldə etsək də, immiqrasiya siyasəti bu nailiyyətləri və bir çoxlarının həyat şəraitini pozub. Amerika sisteminin tam bərpa olunması üçün bütün üçüncü dünya ölkələrindən immiqrasiyanı birdəfəlik dayandıracağam”, - ABŞ lideri qeyd edib.

O, həmçinin ABŞ-ın keçmiş prezidenti Co Bayden tərəfindən imzalananlar da daxil olmaqla milyonlarla qanunsuz qəbula son qoyacağını elan edib:

“ABŞ üçün heç bir dəyəri olmayan və ya ölkəmizi sevə bilməyən hər kəsi deportasiya edəcəyəm. Ölkəmizin vətəndaşı olmayanlara bütün federal yardım və subsidiyaları dayandıracağam. Daxili sülhü pozan immiqrantların vətəndaşlığını ləğv edəcəyəm. Təhlükəsizlik riski yaradan və ya Qərb sivilizasiyası ilə uyğun olmayan bütün xarici vətəndaşları deportasiya edəcəyəm”.

Roza