ABŞ-dan "Lukoil" şirkəti ilə bağlı gözlənilməz qərar
Bizi izləyin
Aptekonline

Dünya

ABŞ-dan "Lukoil" şirkəti ilə bağlı gözlənilməz qərar

ABŞ sanksiya siyahısında olan Rusiyanın neft şirkəti "Lukoil"-a Rusiya xaricində fəaliyyət göstərən yanacaqdoldurma məntəqələri ilə bağlı əməliyyatlar aparmağa müvəqqəti olaraq icazə verib.

Publika.az xəbər verir ki, ABŞ Maliyyə Nazirliyinin Xarici Aktivlərə Nəzarət İdarəsi (OFAC) bu məsələ ilə bağlı lisenziya verib.

Buna uyğun olaraq, Rusiya xaricində yerləşən "Lukoil" yanacaqdoldurma məntəqələrinin məhsul və xidmətlərin satışı, istismarı, texniki xidməti və ya bağlanması üçün zəruri olan əməliyyatlara 29 aprel 2026-cı ilə qədər icazə verilir.

Xatırladaq ki, ABŞ Maliyyə Nazirliyi oktyabr ayında Rusiyanın iki böyük neft şirkəti olan "Rosneft" və "Lukoil", eləcə də onların törəmə şirkətlərini sanksiya siyahısına əlavə etmişdi. Bu addım Rusiyanın Ukraynadakı müharibəyə son qoymaq üçün sülh prosesinə ciddi sadiqliyini nümayiş etdirməməsi səbəbindən atılmışdı.

Roza

Oxumağa davam et
Reklam
Reklam

Gündəm

Aptekonline