Ruslar bu ölkədə üsyan etdilər: Hava limanını tutdular

200-ə yaxın rusiyalı turist uçuş gecikməsi səbəbindən Şarm əl-Şeyx hava limanında qapalı qalıb.

Publika.az xəbər verir ki, buna səbəb Misir Hava Yollarına məxsus nasaz təyyarə olub. Noyabrın sonlarında baş vermiş hadisə ilə bağlı “Baza” portalı məlumat paylaşıb.

Sərnişinlərin sözlərinə görə, 12 saat ərzində onlara gecikmənin səbəbləri və uçuş vaxtı barədə etibarlı məlumat verilməyib. Aviaşirkət nümayəndələri cavab verə bilməyiblər və sərnişinlər həddindən artıq sıxlığın olduğu otaqda saxlanılıblar ki, bu da münaqişələrə səbəb olub.

Nəticədə sərnişinlərin səbri tükənib və onlar üsyan ediblər. Diqqəti cəlb etmək üçün uçuş zolağına çıxıblar və bəzi reysləri iflic ediblər.

Aksiya effektiv olub. Qısa müddət ərzində sərnişinlər su və yeməklə təmin olunub və iki saat sonra nəhayət yola düşüblər.

Ümumi gecikmə təxminən 14 saat olub, lakin turistlər kompensasiya almayacaqlar. Hava limanı onların minmə talonlarına tələb olunan gecikmə məlumatı ilə möhür vurmaqdan imtina edib. Misir daşıyıcısından rəsmi şərh verilməyib.

Tural