Netanyahu Sidney hadisələrinə görə onu günahlandırdı

İsrailin Baş naziri Benyamin Netanyahu Sidneydəki hücuma görə avstraliyalı həmkarı Entoni Albaneseni və onun kabinetini günahlandırıb.

Publika.az xəbər verir ki, bu barədə "The Guardian" yazıb.

Qeyd olunur ki, Netanyahu avqust ayında Fələstinin dövlət kimi tanınmasının mümkün nəticələri barədə Baş nazirə xəbərdarlıq məktubu göndərdiyini bildirib. Onun sözlərinə görə, bu addım antisemitizm alovuna yanacaq tökür və Avstraliyadakı yəhudiləri təhdid edənləri cəsarətləndirir.

“Avstraliyada antisemitizmin yayılmasının qarşısını almaq üçün hökumətiniz heç bir iş görməyib. Ölkənizdə böyüyən xərçəng hüceyrələrinin qarşısını almaq üçün addım atmamısınız. Heç bir tədbir görməmisiniz və xəstəliyin yayılmasına icazə vermisiniz”, - deyə İsrailin Baş naziri çimərlikdə baş verən atışmadan sonra həmkarına müraciət edib.

Avstraliyanın Baş naziri Entoni Albanese Netanyahunun ittihamlarına birbaşa cavab verməkdən imtina edib. O, milli birliyin vaxtının çatdığını vurğulayıb və ölkə vətəndaşlarının bunu təmin edəcəyini bildirib. Albanese hadisəni antisemitizmin açıq təzahürü kimi qiymətləndirib.

Adəm