Tramp NATO-ya “əlvida” dedi, Moskvadan reaksiya gəldi - Dünya xəritəsi dəyişir

ABŞ Prezidenti Donald Tramp NATO-dan ayrıldığını elan etdi. Amerika lideri bu açıqlamanı Ağ Evdə keçirilən mətbuat konfransında verib.

Publika.az xəbər verir ki, Rusiyadan Trampın bu açıqlamasına reaksiya gəlib. Rusiya Təhlükəsizlik Şurasının sədr müavini Dmitri Medvedev ABŞ-ın NATO-dan çıxacağına şübhə ilə yanaşdığını bildirib.

"Bunun üçün heç bir səbəb yoxdur və Konqres buna icazə verməyəcək", - deyə siyasətçi bildirib. O, Trampın alyansa qarşı ritorikasını tamamilə şok kimi xarakterizə edib.

"Hərçənd Amerika kontingentinin sayının azaldılması və ya hər hansı bir şeyin tədarükündən imtina kimi simvolik hərəkətlər mümkündür", - deyə o bildirib.

Eyni zamanda, Medvedev Şimali Atlantika Alyansı daxilində Yaxın Şərqdəki münaqişə ilə daha da kəskinləşən ziddiyyətlərin olduğuna əminliyini ifadə edib.

"Və Avropa politoloqları, xüsusən də Brüsseldə, Aİ daxilində tamhüquqlu hərbi komponent yaratmağı ciddi şəkildə nəzərdən keçirirlər. Və bu da dünya xəritəsini dəyişir", - deyə Medvedev vurğulayıb.

Müəllif: Tural